Importi i mbetjeve, Koka: Asnjë rrezik, kemi shtuar monitorimin

Importi i mbetjeve për riciklim nuk përbën asnjë rrezik për Shqipërinë pasi aktualisht janë ritur kapacitetet monitoruese në dogana. Ky ishte qëndrimi i ministrit të Mjedisit Lefter Koka  në lidhje me rikthimin e drafttit për importin e mbetjeve në parlament qe ka rikthyer gjithashtu dhe debatin per rrezikun qe i kanoset vendit nga ky import.

Koka: Po kjo mazhorancë mendon se ky cikël prej tre vitesh ka bërë të mundur konsolidimin e kontrollit në pikat doganore dhe sigurisht mendoj që dhe në Ministrinë e Mjedisit reforma administrative, krijimi i Agjencisë Kombëtare të Mjedisit, krijimi i Inspektoritatit Shëndetësor të Mjedisit bën të mundur dy komponentë që do të shërbejnë për kontrollin e këtyre produkteve në momentin që hyjnë në territorin shqiptar.

Por pavarësisht kësaj Koka kërkoi një bashkëbisedim me të gjithë aktorët për të gjetur edhe zgjidhjen më të mire.

Koka: Nuk ka pse të mos ulen në një tavolinë të përbashkët, shoqata e ricikluesve, ambientalistët deputetët të cilët janë pro dhe kundër.

Në lidhje me vendimin e qeverisë për menaxhimin e gomave të përdorura kreu i mjedisit u shpreh:

Koka: Për të ndjekur destinacionin final, për të eliminuar hedhjen e tyre, apo djegien e tyre të përdoren si lëndë djegëse të cilat janë shumë të dëmshme.

Këto deklarata ministri i mjedisit Lefter Koka i bëri  pas një aktiviteti  ku u prezantua nisma “Java e Lëvizshmërisë” që do të  mbahet nga data 16-22 shtator dhe ka si qëllim të promovojë lëvizjen e qytetarëve pa makina.