Ministri i Shëndetësisë, Ilir Beqaj ka përuruar këtë të martë investimet e reja të bëra në Qendrën Spitalore Universitare.
Në fjalën e tij në këtë event, Beqaj është shprehur se këto investime përbëjnë fazën e radhës të modernizimit të shëndetësisë.
“Kjo është rilindja e kirurgjisë shqiptare. Jemi në pararojë krahasuar edhe me privatin”, ka deklaruar Beqaj. Ai ka bërë me dije se, pajisjet e reja do të vendosen në kushte steriliteti të lartë.
I pranishëm në këtë event, ambasadori i Italisë në vendin tonë është shprehur se, progresi shkon në mbështetje të sistemit shëndetësor.