Ish-drejtori i Policisë së Vlorës, Jaeld Çela i kërkon Gjykatës së Krimeve të Rënda që të mbyllen hetimet. Çela ka ankimuar vendimin për zgjatjen e hetimeve. Seanca e ankimimit do të shqyrtohet më 11 shkurt.
Ish-shefi i Policisë së Vlorës Jaeld Çela akuzohet si person i përfshirë në trafikun e drogës nga grupi i “Habilajve”.
Në pritje të Malit të Zi- Më 10 dhjetor 2018, është dërguar kërkesa për ndihmë juridike autoriteteve të Drejtësisë të Malit të Zi por akoma nuk janë administruar aktet në ekzekutimin e kësaj letërporosie.
Ndërsa më 4 janar 2019 janë administruar në mënyrë të drejtpërdrejtë aktet në ekzekutimin e letërporosisë dërguar autoriteteve italiane të Drejtësisë me datën 31 dhjetor 2018 dhe aktualisht po përkthehen në gjuhën shqipe.
“Meqenëse afati hetimor mbaron në datën 17 janar është e nevojshme zgjatja e afatit hetimor për 3 muaj për të realizuar edhe disa veprime të tjera hetimore: si administrimi i përgjigjes së kërkesës për ndihmë juridike dërguar në Republikën e Malit të Zi, përkthimi i akteve të administruara në mënyrë të drejtpërdrejtë nga autoritetet italiane të Drejtësisë si dhe kryerja e veprimeve hetimore të tjera që mund të dalin nga dinamika e hetimit” shkruhej në vendim e prokurorisë.
l.h/ dita
nxirreni te pafajshem qelbesiren ,kur nje vlore e tere e dinete se c bente
Nga i ben kerkesat ky tipi nga arratia??
E mira eshte te kerkoje demshperblim per stresin qe i kane shkaktuar per qendrimin ne arrati.