Ish-gardisti i 21 janarit zyrtarisht kryebashkiak i Matit

Gjykata e Matit miratoi mandatin e konfirmuar nga KQZ për kryebashkiakun e ri të Matit, Agron Malaj i dalë nga zgjedhjet e 30 Qershorit.

Malaj garonte i vetëm në zgjedhjet lokale për bashkinë e Matit ku mori 7,936 vota.

Kandidatura e tij solli mjaft diskutime për shkak të rolit të tij si gardist në protestën e 21 janarit.

Ky është mandati i dytë i konfirmuar nga gjykata për “fituesit” e zgjedhjeve të 30 Qershorit në katër bashkitë e Qarkut Dibër.

Më herët mori mandatin Ilmi Hoxha për Bashkinë Klos, ndërsa pritet që mandatin ta marrin edhe Lefter Alla për Bashkinë Bulqizë dhe Dionis Imeraj për Bashkinë Dibër.

e.t./dita