Ish-imami i arrestuar nga amerikanët, një nga grabitësit e Rinasit

Gati dy javë nga grabitja në pistën e aeroportit “Nënë Tereza”, ku mbeti i vrarë Admir Murataj është arrestuar njëri nga autorët e grabitjes dhe tre bashkëpunëtorë.

Oltion Veseli 38 vjeç nga Kruja është njëri nga autorët e grabitjes. Bashkëpunëtorët janë; Alkond Bengasi, 34 vjeç nga Elbasani por me banim në Tiranë dhe i dënuar më parë për prodhim e shitje lëndësh narkotike, Renaldo Sula 25 vjeç nga Elbasani dhe Saimir Çela 28 vjeç nga Kajani i Elbasanit (i cili njihet edhe me pseudonimin Tale Çela), ndërsa 8 të tjerë janë ende në kërkim, mes të cilëve edhe Klement Çala.

Ndaj tyre është ngritur edhe akuza e “vrasje e Punonjësve të Policisë “ e kryer në bashkëpunim e mbetur në tentativë”,  që përfshin momentin kur ndodhi shkëmbi i zjarrit me forcat e FNSH-së ku mbeti i vrarë Murataj.

Bengasi rezulton një emër i njohur për Policinë e Shtetit pasi është ndaluar edhe në 2015 së bashku me Klement Çalën personin më të kërkuar si të përfshirë në këtë grabitje.

Ndërkohë Oliton Veseli, që është njeri nga autoret e grabitjes rezulton se ka qenë në Jemen me studime, më pas ka ikur në Afganistan dhe është burgosur nga amerikanët për terrorizëm.  Më parë ka qenë imam në xhaminë e Krujës, ndërsa vëllai i tij administron një pizzeri në Fushë-Krujë, pas së cilës dyshohet se fshihet Dash Kupa i dënuar për grabitjen e autoblindave me para të bankave në Qafë-Kashar më 2017-ën.

o.j/dita