Një 49-vjeçare polake është arrestuar në portin e Durrësit, pasi rezultonte në kërkim ndërkombëtar.
Beata Puta lindur në Poloni dhe banuese në Itali, u ndalua nga autoritetet shqiptare me qëllim ekstradimin e saj drejt Polonisë.
Në një njoftim, policia sqaron se gjatë kontrollit në sistem nga kontrollorët rezultoi se Puta ishte shpallur në kërkim ndërkombëtar nga autoritetet polake, pasi Gjykata e Varshavës, më 29 Shtator të këtij viti ka lëshuar urdhrin e arrestit, për kryerjen e veprave penale të “Pastrimit të produkteve të veprës penale” dhe “Aktivitetit kriminal”.