Dy shqiptarë përfunduan në prangat e policisë italiane, të akuzuar për trafik të drogës së fortë kokainë.
Shqiptarët të moshës 39 dhe 40-vjeç, njiheshin me nofkat “Biondi” dhe “I thinjuri”, ndërsa ushtronin veprimtarinë në territorin e provincës së Padovës e kryesisht në komunat e Ponte San Niccolò, Legnaro e Noventa Padovana.
Policia italiane ka sekuestruar një sasi të konsiderueshme kokaine të cilësisë së lartë gjatë kontrollit të ushtruar në automjetin e tyre, ku u arrestua edhe një person i tretë.
Në banesën e shqiptarëve janë gjetur dhe disa mijëra euro e materiale për përgatitjen e konfeksionimin e kokainës. Ende nuk dihet identiteti i tyre dhe as sasia e drogës së sekuestruar. /Dita/