Një bandë italo-shqiptare e trafikimit të drogës është goditur nga policia italiane ditën e djeshme. Në pranga kanë përfunduar 10 persona, dy prej të cilëve janë shqiptarët Endri Mosko, 38 vjeç dhe Niko Selamaj, 43 vjeç. Gjithashtu, policia e shtetit fqinj ka sekuestruar edhe 75 kg marijuanë, vlera e së cilës arrin në një milion euro.
Sipas policisë italiane,
shqiptarët Endri Mosko dhe Niko Selamaj dyshohet se kanë pasur rolin kryesor në bandën e trafikimit të lëndëve narkotike. Mësohet se procesin për gjykimin e dy shqiptarëve, drejtësia italiane do t’ia referojë asaj shqiptare.
Sipas skemës së zbardhur nga policia italiane, lënda narkotike transportohej nga Shqipëria, drejt Greqisë, nga ku më pas kalonte në Itali.