Specialistë të vërtetë grabitjesh. Kishin kryer plot 73 vjedhje; vilash kryesisht.
Por sot, aktiviteti i tyre ilegjitim mori fund. Policia i arrestoi. Bëhet fjalë për një bandë shqiptare në Xhenova të Italisë, 17 anëtarët e të cilës përfunduan prapa hekurave.
Vetëm një prej të arrestuarve është italian, ndërsa të tjerë janë nga Shqipëria. Banda vepronte në veri të Italisë, ndërsa kishte epiqendrën në Rajonin e Ligurias.
Vjedhjet ishin kryer në Xhenova, Savona, Alessandria e Piacenza.
Dhjetë prej të arrestuarve do të mbeten në burg, pasi ndaj tyre është lëshuar një masë e tillë, ndërsa pjesa tjetër do të gjykohet në gjendje të lirë. /Dita/