Një grua shqiptare, nënë e 5 fëmijëve, ka humbur jetën tragjikisht mbrëmjen e djeshme në Breshia, pasi është përplasur nga një makinë tip “Ford Focus”.
Gruaja e identifikuar si Elvira Hoxhaj, 40 vjeçe, ishte dërguar me urgjencë në spital, por pa ia dalë të fitojë betejën me vdekjen.
Autori i aksidentit, një italian 40 vjeçar është larguar me shpejtësi nga vendi i ngjarjes, duke e lënë shqiptaren përtokë.
Por policia është vënë menjëherë në ndjekje të tij duke e arrestuar.
Policia ka nisur hetimet në lidhje me aksidentin e ndodhur në një rrugën pa ndriçim, ndërsa personi i arrestuar akuzohet për “vrasje në rrugë”, si i cilëson kodi penal italian, aksidentet kur shoferi largohet nga vendi i ngjarjes.