Një bandë italo-shqiptare e trafikimit të lëndëve narkotike është shkatërruar nga policia e shtetit fqinj. Banda që merrej me trafikimin e heroinës dhe kokainës operonte në zonën e Marsica-s, në Itali.
Lënda mbërrinte nga Shqipëria në shtetin matanë Adriatikut, ku nëpërmjet trafikimit të saj, banda fitonte të paktën 1 mijë euro në ditë.
Sipas policisë italiane, të përfshirë në rrjetin e trafikut të drogës ishin të paktën 8 shtetas shqiptarë. Banda drejtohej nga Edmond Kavalli, i cili është vënë në pranga.
Gjithashtu janë arrestuar edhe Saimir Kavalli, 24 vjeç dhe Vjolanda Kavalli, 34 vjeç. Policia nuk bën të ditur identitetin e të arrestuarve të tjerë.