Një shqiptare 47 vjeçe është vrarë në Itali nga bashkëjetuesi i saj italian. Donika Xhafa është gjetur e vrarë me katër plumba në një nga rrugët e qendrës së qytetit Vercelli. Pak orë më pas, burri është dorëzuar në polici. Ai është Rafaele Vorrano, 59 vjeç, nga Kaliano (Asti). Ai i ka thënë policisë se ngjarja ka ndodhur pas një grindjeje të çastit, ndërsa çifti po udhëtonin me makinë. Policia mendon se mund të kemi të bëjmë me një krizë xhelozie. Ndërkohë, po bëhen verifikimet e tjera.