Një shtetase moldave në moshën 33-vjeçare ka humbur luftën me vdekjen në një spital të Italisë, pasi u godit 11 herë me thikë nga i dashuri shqiptar 45 ditë më parë.
Më 3 shtator, shtetasi shqiptar me inicialet R. B. goditi 11 herë me thikë Aliona Oleinic. Mediat italiane raportuan se shkak i këtij veprimi është bërë refuzimi i saj për shqiptarin.
Shqiptari dhe moldavja ishin njohur në Facebook dhe frekuentoheshin prej disa kohësh.
Avokati mbrojtës i 27-vjeçarit shqiptar ka deklaruar se klienti i tij nuk donte ta vriste moldaven.
Sipas tij, ditën e ngjarjes, shqiptari kishte shkuar të takonte moldaven me qëllimin që të sqaronte raportin mes të dyve, por ka pasur një moment xhelozie. Ngjarja degjeneroi deri në përdorimin e thikës nga i riu shqiptar, mirëpo sipas avokatit, ai kurrë nuk e pati në qëllim ta vriste.
L. B. u arrestua ndërsa akuzohet për tentativë vrasje.
Nga ana tjetër, 33-vjeçarja Oleinic pësoi disa plagë të rënda. Ajo u dërgua në spital dhe iu nënshtrua shumë operacioneve. Fatkeqësisht plagët ishin shumë të rënda dhe ia morën jetën 45 ditë më vonë./abcnews
e.ll./dita
Kalbeni ne burg qelbesiren.