Izet Haxhia: Përlyerja e Berishës në krim s’ka për ta lejuar miratimin e reformës

Izet Haxhia ka reaguar në FB lidhur me zhvillimet e fundit në Shqipëri. Ai shkruan se “u pa qartë se kush është kundër reformës”.

Sipas Haxhisë Berisha ka përdorur kryeprokurorin për të penguar me çdo lloj mënyre miratimin e reformës në drejtësi.

Ja çfarë shkruan Haxhia:

Pata shkruar në një status timin më parë se shteti paralel apo koalicioni mafioz i krimit të bashkuar rreth kapterit në presidencë dhe i drejtuar nga kullat binjake nga Karaxhiçi i shqiptarëve, duhet shkatërruar me forcën e ligjit në çdo qelizë të tij, por si duket kjo qeveri e cila e drejton vendin me brekë nëpër këmbë nuk ka as forcën as guximin për t’u përballur me këtë koalicion mafiozësh, hajdutësh, vrasësisht e antishqiptarësh.

Sabotimi i reformës në drejtësi dhe pengimi i saj me çdo manovër e gënjeshtër deri tek grushti konstitucional i sotëm i njërit prej anëtarëve të këtij koalicioni kriminal siç është prokuroria tregon se sa larg ka shkuar përlyerja e tyre në krime dhe se janë gati të bëjnë gjithçka vetëm të mos miratohet kjo reformë që do shënonte fundin e krimit 25-vjeçar të këtyre antishqiptarëve, do t’i jepte fund pandëshkueshmëri e paprekshmëri të cilidoqoftë.

Sot përpara shqiptarëve u pa qartë se kush e pengon vendosjen e drejtësisë me veprimet dhe mosveprimet që bën.

Krimi dhe mafia politika ka gangrenizuar pjesët më vitale të shtetit dhe e ka çuar atë në grahmat e fundit.

Nëqoftëse u ka ngelur vetëm pak dhembshuri për këtë vend e popull që po jep frymë, dhe nëse juve nuk doni ta ruani këtë status-quo kriminale të krijuar në këto 25 vite, goditeni këtë bandë kriminale antishqiptare me drejtues vëllain biologjik të Radovan Karaxhiç, Sali Berishën.

Po qe se nuk e bëni, jeni po aq antishqiptarë dhe të padenjë për të drejtuar këtë vend, sa ç’është ai që po u bën zbor çdo ditë juve e neve si popull, vëllai i Karaxhiçit, me të birin që po zbatojnë me përpikmëri skenarin e etërve dhe gjyshërve të tyre serbë, për mosbërjen e shtetit shqiptar.