Manchester United ka hequr dorë nga Alexandre Lacazette duke zgjedhur Romelu Lukakun për shkak të një raporti aspak pozitiv të një skauti të skuadrës.
Jose Mourinho ishte duke vëzhguar sulmuesin e Lyon, përpara se Arsenal të paguante një shifër rekord për klubin duke e dërguar në “Emirates”.
Por tektniku i United zgjodhi Lukakun pas një raporti të dyshimtë për Lacazette.
Një burim pranë Djajve tregon: “Lacazette ndiqej pasi ishte golashënuesi më i mirë i Ligue 1 franceze. Por shumë prej golave të tij ishin me penallti (10 nga 27).”
Në fund ai nuk u konsiderua pasi nuk kishte një gjendje fizike të mirë, nuk kishte impakt fizik dhe nuk shfaqej në ndeshje të mëdha.
Gjithsesi Arsene Wenger do të shpresojë që skauti i United të ketë raportuar gabim dhe ai të shkëlqejë me Topçinjtë. Ai u ble për 65 milionë euro dhe do të ishte një humbje e madhe nëse nuk do të paraqitej ashtu siç duhet.