Ja cili është kanceri që i ka rënë Shqipërisë

Katër vite-qeveria,
që po na shurdhon,
për këstin e FMN-së,
me tridhjetë milion.

Po Shqipërisë asnjëherë,
nuk i ndahet tersi,
është dhjetë milionë më tepër,
gjoba nga “Bankersi”!

Unë dua ndonjë përgjigje,
se jam plot kureshtje,
përse-gjobën qeveria,
e kalon në heshtje?!

Më çuditi si gjithmonë,
një karagjoz shteti:
“Nga gjoba dyzet milionë,
nuk preket buxheti!”

Pse flet si e ëmë e Zeqos,
more qerrata,
a s’i paguajnë shqiptarët,
gjithë këto para?!

Shqipërinë e mori lumi,
e mbyti në det,
kur ka ministër financash,
një analfabet!

Sa të jem në këtë jetë,
kurrë s’do t’i ul tonet,
se kanceri i Shqipërisë,
janë koncesionet!

Erdhi ÇEZI-bëri ç’deshi,
në vatanin tonë,
kur iku i dhamë peshqesh,
plot njëqind milionë!

Koncesionet-tha Edvini,
me gjuhë të kuptushme,
janë për ne-në këtë fazë,
të pazëvendësushme!

Janë këto deklarata,
kafe me zeher,
se tek ne janë koncesionet,
murtajë e kancer!

Të na rrojë ai komiku,
se s’preket buxheti,
prit tani kur të fitojë,
gjyqin dhe Beketi!

Mbi financat e Atdheut,
po këndojnë qyqet,
sepse kundra Shqipërisë,
po mbyllen gjithë gjyqet!

Do paguajnë brez pas brezi,
gjithë shqiptarët,
për gjobat ndërkombëtare,
edhe ish pronarët!

Unë e di që nuk kam,
një damar idioti,
po s’kuptoj-përse nuk kthehet,
prona tek i zoti?!

Të më thonë kompetentët,
pse është kaq vështirë,
dhe fatura-pa Strazburgun,
do dilte më lirë!

Duket-nga të gjitha anët,
na kanë zënë me gurë,
borxh i brendshëm dhe i jashtëm,
s’do të ulen kurrë!

Koncesionet na rrënuan,
pa brekë na lanë,
shto këtu dhe korrupsionin,
dhe mendo hatanë!

Miliarda janë tretur,
nga kjo batërdi,
dhe asnjë zyrtar i lartë,
s’mban përgjegjësi!

Se të gjitha qeveritë,
vjedhjet kur bitisin,
nuk lënë gjurmë që të duken,
letrat i kopsisin!

Ndaj na duhet të rikthejmë,
këngët e mjerimit,
se Shqipëria po shkon,
drejt falimentimit!

Nuk është qeveri e Ramës,
e vetmja fajtore,
se Piramidë e la vendin,
Shtëpia Qendrore!

Këta që erdhën pas Salës,
kursin s’e ndryshuan,
koncesionet nuk i prishën,
po më shumë i shtuan!

A. Duka