Ja pse shkëlqejnë yjet mbi tapetin e kuq

Çdo vit, në ceremoninë e çmimeve Oscar, vëmendja e gjithë botës është tek yjet e Hollivudit dhe shkëlqimi i tyre mbi tapetin e kuq. Shpenzimet për paraqitjen në ceremoni janë marramendëse.

Jamie Cheryl është një infermiere me profesion dhe bashkëpronare e një salloni bukurie “Beauty Park Medical Spa”, në Santa Monika, e cila këto ditë, është më e ngarkuara me punë në Hollivud. Ajo është në dispozicion të yjeve nga mëngjesi deri në mbrëmje vonë, të cilat dëshirojnë të kenë një pamje rinore në mbrëmjen prestigjioze të ndarjes së çmimeve “Oscar”, por edhe në ngjarjet e tjera që organizohen në Hollivud.

“Nuk më pëlqen të bëj gjëra në minutat e fundit, por yjet janë shumë të zënë dhe duhet të kujdesen për pamjen e tyre. Në momentet para ngjarjeve të rëndësishme, në sallon marrim nga tre klientë, ndërsa disa bëjnë trajtimet e trupit, të tjerët bëjnë trajtimin e fytyrës”, thotë ajo.

“Ndër trajtimet më të popullarizuara, është tendosja e menjëhershme nga koka deri te këmbët, lazerat që kthejnë elasticitetin e lëkurës. Për çdo parregullsi në trupin e një gruaje, ekziston ndërhyrja që brenda 48 orëve mund të zgjidhë problemet. Unë gjithmonë përpiqem për të respektuar dëshirat e klientëve”, tha ajo.

Klientët e saj janë një numër i yjeve të shou-biznesit, duke përfshirë: Jennifer Love Heëitt, Kirsten Dunst, Jennifer Lopez etj. Ajo zbulon top-trajtimet e yjeve para ngjarjeve të rëndësishme, që në afatin më të shkurtër bëjnë mrekulli dhe disa nga këto yje duhet të paguajnë deri në 3 000 dollarë amerikanë.

– Mbushja “Baby”: Gjilpëra të veçanta ultra të holla, injektojnë në fytyrë një sasi shumë të vogël të acidit hialuronik, në mënyrë që të sheshohet indi më i vogël pa lënë gjurmë.

– Shtrëngimi i menjëhershëm: Një pajisje e veçantë emeton radio frekuencat duke shtrënguar lëkurën dhe rrafshojnë parregullsitë të tilla si celulitin, dhe lëkura bëhet tepër e butë dhe rrezatuese.

– Botoks: Injektohet sasi shumë e vogël e Botoks-it, në pozicione strategjike, pas të cilit, shprehjet e fytyrës mbeten aktive dhe fytyra mbetet maksimalisht e shtrënguar.

– Injeksion IM me vitamina: Injeksionet përmbajnë vitamina B dhe C, e cila i jep lëkurës një freski të gjatë dhe të qëndrueshme, duke e mbrojtur kundër acarimit të diellit dhe të erës.

– “Vrasësi” i puçrrave: Injeksionet e kortizonit që injektohen në zonën e irrituar, brenda 48 orësh zhdukin plotësisht puçrrat dhe dëmtimet në lëkurë mbyllen dhe zhduken.

– “Facelift” i menjëhershëm: Zbut shtresën e lëkurës dhe zgjidh problemin e skuqjes ose acarimit të shkaktuara nga ndikimet e jashtme, lodhja, kozmetika apo moti.

– Palosja e depozitave të dhjamit: Palosja e gjithë trupit me anë të pajisjes së veçantë për të reduktuar yndyrën me ç’rast forcon stomakun dhe shtresat e dukshme rreth stomakut zhduken.

– Tërheqja e fytyrës me anë të elektricitetit: I jep fytyrës shndritje, stimulon drenazhin limfatik, vret bakteret që shkaktojnë puçrra në fytyrë dhe mënjanon qarqet e errëta.

– Maskë kundër infeksioneve bakteriale: Grim i fortë dhe trajtimet e fytyrës agresive mund të shkaktojë inflamacion. Një maskë e përbërë nga një gazë me oksigjen të lëngshëm, vret bakteret dhe qetëson lëkurën. / Zeri