Me përfundimin e fazës së grupeve të Champions League, 16 skuadrat do të mësojnë kundërshtarët e 1/8-ave të hënën në mesditë. Goglat do të rrotullohen në Nyon të Zvicrës nën drejtimin e sekretarit të përgjithshëm të UEFA-s, Gianni Infantino. Sipas rregullores, raundi i 1/8-ave do të përcaktohet nga dy vazo, në të parën rreshtohen 8 skuadrat e para të çdo grupi dhe në tjetrën 8 të dytat. Një detaj tjetër i rëndësishëm është fakti se 8 përballjet do të ndahen në tre javë të ndryshme, duke filluar që nga 11 dhe 12 shkurti, dhe për të vazhduar në datat 18, 19, 26 dhe 26 të po këtij muaji.
Gjithashtu, datat e çerekfinaleve janë 1, 2, 8 dhe 9 prill, gjysmëfinalet ne 22-23 dhe 29 e 90 Prill. Finalja e madhe parashikohet të luhet në datën 24 Maj në stadiumin “Da Luz” të Lisbonës. Për t’u kthyer edhe një herë te vazot, 8 të parat mund të fërkojnë duart sepse do të kenë përballë 8 rivalë të një niveli më të ulët edhe pse rreziqet për ndeshje të forta ekzistojnë duke ditur praninë e Manchester City-t dhe Arsenalit në vazon e dytë por përjashtohet mundësia që skuadrat e të njëjtit shtet apo ato që janë ndeshur më parë në të njëjtin grup, të përballen sërish në këtë raund.