Në seancën e fundit të sesionit parlamentar, mazhoranca miratoi pa debat nismën e deputetit socialist Arben Pëllumbi për zgjatjen deri në vitin 2023 të afatit për “Investimet strategjike”
Një ligj i qeverisë për “Për investimet strategjike” i vitit 2015, që ka shkaktuar debate dhe kritika për mënyrën e zbatimit, do të shtrijë afatet e zbatimit deri në fund të vitit 2023.
Me 75 vota pro mazhoranca qeverisëse votoi të hënën propozimin e deputetit socialist Arben Pëllumbi, i cili u fut me procedurë të përshpjetuar në seancë plenare dhe nuk pati diskutime në komisionet parlamentare.
Vetëm disa ditë pas depozitimit në faqen e Kuvendit dhe pas kalimit pa debat në një mbledhje të Komisionit të Ekonomisë, projektligji me dy nene u votua në mesin e 12 akteve të tjera ligjore në seancë.
Prezantimi i deputetit Pëllumbi nuk tërhoqi vëmendje dhe nuk krijoi debat në sallën e mbetur gjysëm bosh, ku mungonin deputetët e opozitës.
“Kanë përfituar 31 projekte të Investimeve Strategjike që nga viti 2015”, tha Pëllumbi dhe nga shtyrja e parë që i është bërë afatit deri në dhjetor 2021 kanë ardhur dhe “20 projekte të tjera me vlerë 3 miliardë euro”.
Ai argumentoi se shtyrja kërkohet pasi projektet e reja akoma nuk kanë nisur nga puna pasi “shtrihen ne zona ku ende nuk ka përfunduar regjistrimi fillestar i pasurive të paluajtshme”.
Ai tha se do i jepet kohë Kadastrës që të vendosë pronat në dispozicion të këtyre investimeve. “Subjektet investuese do të kërkojnë zgjatjen e afatit si e vetmja mënyrë për të zhvilluar investimin. Krijon vakum ligjor, pasi statusi që është fituar nuk është pezulluar dhe pse pronat nuk janë bërë gati dhe mund të krijojë problematike për investimin dhe për qeverinë”- argumentoi ai në Kuvend.
Sipas Pëllumbit kjo shtyrje është e nevojshme dhe në mungesë të një ligji të ri “për investimet” që po përgatitet nga Ministria e Financave.
Ligji për investimet strategjike u miratua nga Kuvendi në vitin 2015. Ai i njeh statusin investitor strategjik në turizëm çdo projekti që investon më shumë se 5 milionë euro dhe punëson 80 punëtorë.
Në dhjetor të vitit 2015, qeveria ka miratuar gjithashtu 10 vendime me qëllim lehtësimin dhe rregullimin e procedurave për investitorët strategjikë, duke i mundësuar konsolidimin e titujve të pronësisë.
Sipas këtyre vendimeve, shteti është i detyruar t’i ofrojë investitorëve strategjikë infrastrukturë ndihmëse, si furnizim dhe përshtatje të rrjetit elektrik, furnizim me ujë të pijshëm, kanalizime dhe trajtim të ujërave të ndotura dhe infrastrukturë rrugore.
n.s. / dita
Oooh ! Nje ligj per koordinatorin te pasaemeruar nga Washingtoni, apo jo Eoja Kim?! Edhe sidomos nje ligj per te hetuar gjithe ato qe fale ketij ligji ´investojne kupto pastrojne paret e korruptionit ketu…
Ligji me antiligjor…2 mafioso ta vene syrin ke toka jote blejne nje minister dhe toka iku per lesh me vlere toke buke….nda rrine me bodigarde se kane frike
Sic duket Rama me Co nuk kane realizuar akoma planin e vjedhjes dhe e shtyjne per me vone sa t ju mbushet thesi dhe pronaret do te kompesohen me 1 Euro metri kur t ju vije rradha dhe le te kenaqen me kartat e gjyqeve qe kane nje jete qe qeverite tallin bythen duke ju thene tani bejini shurren bahces dhe do te mbeten gjithmone ISH pronare ja kjo eshte drejtesia e leshit
Ne planet tona antishqiptare ben pjese edhe plani i vazhdimit te shkaterrimit te bregdetit shqiptar, sidomos atij akoma te prekur pak nga ky shkaterrim, sic eshte fotoja me lart prane Lukoves, apo dhe disa te tjera ne detin Jon! Nese realizohen shpejt planet tona antishqiptare, ne do ta betonizojme tere bregdetin e Jonit dhe do ta qelbim si ne asnje vend tjeter te Europes! Nuk duam te leme kurrgje te virgjer nga Shqiperia per brezat e ardhem! Kemi shpresa ne planet tona antishqiptare, nga fakti se shumica e politikanve shqiptare jane edhe biznesmene dhe te lidhur me investimet e ndryshme!