SMS në DITA
Në 0689073730
Për të thumbuar ata që s’kishin efektivitet në punë, apo që hapnin telashe atje ku s’kishte të tilla, dikur, një shok i vjetër, Zylyftar Hoxha, gazetar me përvojë thoshte se “Mahmuti bëri një krua, as sevap as m..t ju qua, se e bëri në përrua”! Që Shqipërisë për hashashin i ka dalë nami, s’do shumë mend, por që PD-ja të fitojë kredo politike brenda e jashtë vendit me tymuse të tilla, më mirë të jesh shurdh e të mos dëgjosh. Por një gjë është e vërtetë, Luli e të tjerë pas tij, me këtë thashethemnajë i bëjnë keq dhe vetëm keq vendit, meqë është në prag firmosja e marrëveshjes me BE-në. Po ja “Dita”, a s’punojnë këta për vendin, si Mahmuti që citova më sipër?! I shkreti popull, paguan me rroga të majme të tillët për bëma të tilla. Përshëndetje ju dhe lexuesve tuaj, nga Xhevdet Cora.