Zyrtarët ukrainas po akuzojnë presidentin e përmbysur Viktor Yanukovych se kishte dhënë urdhër për hapjen e zjarrit që shkaktoi vrasjen masive të protestuesve në Kiev në shkurt. Ata thonë gjithashtu se agjentë të sigurisë ruse e ndihmuan ish-presidentin që të planifikonte sulmin.
Ministri i brendshëm në detyrë, Arsen Avakov u tha të enjten gazetarëve në Kiev se zoti Yanukovych “lëshoi një urdhër ekzekutiv … për të hapur zjarr kundër protestuesve më 18-20 shkurt”.
Duke folur në të njëjtën konferencë për shtyp, kreu i shërbimeve ukrainase të sigurisë tha se kishte arsye për të besuar se agjentët e Shërbimit Federal Rus të Sigurisë ishin të përfshirë në “planifikimin dhe zbatimin e të ashtuquajturit operacion anti-terrorist” në kryeqytetin ukrainas në fund të shkurtit.
Qeveria njoftoi gjithashtu sot ndalimin e 12 anëtarëve të njësisë së policisë speciale nën dyshimet për vrasjen e protestuesve. Më shumë se 100 vetë u vranë gjatë protestave të muajit shkurt në Kiev, shumica prej të cilëve mesa duket me snajper. / VOA
Nuk ja u mbush mendjen dot qytetarve,kur plumbat erdhen ,posacerisht nga partia jote ekstreme te etur per pushtet e interesa kunder vllezerve tuaj Russe!!!
akuzohet nga njerez qe moren pushtetin me dhune dhe jo me vota, dhe sarkazma shtohet nga shtypi jone dhe ai perendimor i cili propagandon kundra janukovic duke i dale ne krah nje pushteti jo legjitim?