Kryeministri Boris Johnson ka urdhëruar ekipin e tij të ulë koston e qeverisë, duke shkurtuar mbi 90 mijë vende pune në Britaninë e Madhe.
Në një mbledhje te kabinetit, Johnson tha se Shërbimi Civil është ‘fryrë’, ndërsa ka sugjeruar se miliardat e kursyera më pas mund të futen në uljen e taksave.
Sipas tij planet për të shkurtuar shërbimin civil me pothuajse një të pestën do të kursejnë rreth 3.5 miliardë paund në vit.
Johnson i tha Daily Mail: “Duhet të ulim koston e qeverisë për të ulur koston e jetesës”.
Ai tha se Shërbimi Civil ishte “fryrë” gjatë pandemisë dhe më shumë se 90,000 vende pune duhej të shkurtohen.
“Çdo paund që qeveria paraprin nga taksapaguesi është para që ata mund t’i shpenzojnë për prioritetet e tyre, për jetën e tyre”, tha ai.
Ministrave iu dha një muaj kohë për të hartuar plane për të ulur numrin e Shërbimit Civil me 91,000 – pothuajse një e pesta e totalit aktual.
j.l./ dita
Ndersa qeveria jone e lavdishme e fryn administraten cdo dite e me shume me patronazhiste dhe pensionistet rrine e veshtrojne me dylbi cmimet qe po i lene te uritur
Kjo është lojë e vjetër. Duke ulur taksat, duket sikur po mendon për « fakirët », por pyetja është se kujt i ulen taksat, natyrisht të pasurve. Të djathtët, ose klasa e pasur thotë: duhet një qeveri e vogël dhe taksa të ulëta. Të majtët, ose klasa e mesme, thotë: duhet një qeveri që të investojë në çështje sociale, si shkolla, spitale, etj., dhe për këtë duhen të taksohen më shumë të pasurit, që shteti të ketë më shumë para për të investuar. Veprimi i Johnsonit është tipik se si vepron e djathta, duke vajtur akoma më djathtas.