Barcelona po kërkon një mbrojtës të majtë, duke parë se paraqitja e deritanishme e Jordi Alba nuk është ajo që pritej.
Dhe lista e zëvendësuesve të mundshëm është e gjatë, por në krye të saj, sipas “Don Balon”, është spanjolli i Chelsea, Marcos Alonso.
Një lojtar që jo vetëm mbron mirë, por që edhe realizon në portën kundërshtare, siç e konfirmojnë 8 golat e realizuara deri me tani me fanellën e “bluve” të Londrës.
Te Chelsea ai është titullar i padiskutueshëm, që në disa ndeshje ka nxjerrë nga telashet trajnerin Conte me golat e tij.
Duket se edhe trajneri Ernesto Valverde ka dhënë miratimin e tij për lojtarin që aktualisht luan në Premier League, ndërkohë që alternativa të tjera janë Alex Sandro, Jose Gaya dhe Raphael Guerreiro.
Mbrojtësi Marcos Alonso e ka nisur karrierën te Real, ndërkohë që mund të transferohet te rivalët e Barcelonës.