Julian Sinanaj, është revoltuar gjatë seancës së sotme gjyqësore në Gjykatën për Krimet e Rënda.
Teksa përfaqësuesit e akuzës kanë qenë duke lexuar kërkesën për gjykim, Sinanaj ka
reaguar duke pretenduar pavërtetësi. “Nuk është e vërtetë që më janë gjetur dy granata me
vete në momentin e arrestimit. Kam pasur vetëm një pistolete”, është shprehur Sinanaj, ndërsa ndërhynë gjykatësit për uljen e tensionit.
“Nuk luftohet kështu krimi i organizuar”, vijoi më tej ai.
Gjykata ka rrëzuar kërkesën për gjykim të shkurtuar të tre të pandehurve, në gjyq, si pjesë e “Bandës së Tritolit”, e për rrjedhojë, u bien shpresat për ulje të menjëhershe të 1/3 e masës së dënimit që do të marrin në fund të procesit.