Kaçi del në mbrojtje të qarqeve të Veriut

Opozita e ka bojkotuar komisionin për ndarjen e re territoriale, por kjo nuk e pengon deputetin Islami të jap mendimin e tij në një analizë të gjatë në media. Siç dihet Kaçi është një deputet i majtë në bindje, por për shkaqe të vetat është detyruar të kaloj te PD. Qysh prej vitit 1992 ka qenë deputet i Fierit, një prej qarqeve të jugut dhe më të theksuar me bindje të majta. Për shkak të kalimit te PD, Kaçin thuhet se nuk e pranojnë më në zonën e tij dhe ka pas raste që e kanë larguar edhe nga ceremonitë ku ka shkuar. Por të kthehemi edhe njëherë te reforma territoriale. Kaçi në analizën e vetë si një deputet jugu pritej të kritikonte ndarjen në zonën e vetë, ose të paktën edhe ndonjë zonë të veçantë, por askush nuk e priste se ai do e ndante vendin në Jug dhe Veri. “Në katër qarqet e Veriut (Kukës, Dibër, Shkodër e Lezhë) do të ketë 15 bashki.. Në katër qarqet e Jugut (Vlorë, Berat, Fier e Gjirokastër) do të ketë 25 bashki… Vetëm ky aspekt flet për një qëllim të qartë elektoral…”, shkruan Kaçi. Po mirë mor zotëri, po numrin e popullsisë pse nuk e përmend kur e bën këtë analizë. E ke idenë se në jug jetojnë dy herë më shumë qytetarë se në veri. Apo është taktikë kjo; themi ndonjë fjalë edhe ne, mbase nuk e kupton njeri.