Kaçi kënaqet nga shpejtësia e tij

Kastriot Islami këtë javë na vjen me dy lajme interesante. E para që ka nisur sërish intensivisht vrapin, pavarësisht kilometrave të paktë që bën. Ja çfarë thotë në sqarimin e tij: “Sot më pak kilometra (vetëm 4.23 km) për shkak të një angazhimi, por shpejtësia mbetet e kënaqshme, 1 kilometër mesatarisht për 7.38 minuta ose mesatarisht 7.89 km/orë.” Të kënaqesh me veten është shenjë e mirë dhe duket sikur Kaçi ka filluar ta bëjë këtë. Nga tjetër një komentues i sugjeron Islamit të ndjekë intervistën e kryeministrit Rama në “Opinion” dhe përgjigja e fizikanit-politikan është kjo: “E njoh pa e parë atë dhe duke e parë nuk kam se çfarë të mësoj sepse duke qenë mediokër, ai përdor të njëjtat mënyra mashtrimi. Në përgjithësi ai mashtron ata që njohin për herë të parë apo ata që duan të vetë-mashtrohen”.