Janë kundërshtuar ashpër ndryshimet e bëra në projektligjin për ndihmën sociale nga Lëvizja Socialiste për Integrim. Në emër të grupit të LSI-së, Gjovalin Kadeli, ka kërkuar rishikim të ligjit pasi me ndihmën sociale po abuzohet pa masë dhe ndryshimet e propozuara nuk zgjidhin asgjë. Kadeli deklaroi se ky projektligj do të ketë votën kundër të grupit parlamentar të LSI-së.
“Unë ju thashë do të votoj kundra, si grupi i LSI-së”, është shprehur Kadeli.
Ndërsa Braçe i është përgjigjur “ Po mirë mo votoje si të duash”.
Gjovalin Kadeli i është drejtuar Braçes se “Unë po flas këtu në emër të atyre që nuk kanë mundësinë e marrjes së ndihmës ekonomike nëpërmjet raporteve”.
Nga ana tjetër përfaqësuesja e Ministrisë tha se “Nuk është i mirëqënë, ka përcaktuar një skemë pilotimi që do zgjasë dy vjet dhe duhet të testohet kjo skemë transparente, ta provojmë dhe nuk mund ta bëjmë vetëm në 6 muaj se ka filluar vetëm në janar të këtij viti”.
Deputeti i PS Braçe, ka kërkuar sqarim nga përfaqësuesja e ministrisë: “Do ta bëni në 6 muaj zonjë”
Ndërkaq edhe opozita ka kundërshtuar ligjin e sjellë nga Ministria.
Votimi i projektligjit nen për nen u shty për ditën e nesërme, pasi nuk plotësohej kourumi në Komision. Të njëjtat ndryshime të projektligjit u diskutuan edhe në Komisionin e Shëndetësisë.
Ky Kadeli ka qene me PS. Pastaj kandidoi per PD dhe tani eshte bere me LSI. Si duket nuk ka gjetur mbeshtjetje per idealet dhe idete largpamese te tij. Eh ca behet eh..nuk behet politike ketu por biznes, nuk ka politikane e as ngjyra por grupe interesi…nejse, Perpara !