Një ngjarje e rëndë është shënuar në Kamëz. Në bulevardin “Blu”, një makinë është përplasur me një motor, ku si pasojë ka humbur jetën drejtuesi i këtij të fundit.
Policia sqaron se në timonin e makinës ka qenë 25-vjeçari R. M., ndërsa viktimë ka mbetur 30-vjeçari F. H.
Ndërkohë grupi hetimor vijon punën për sqarimin e rrethanave të aksidentit.
Njoftimi i plotë i Policisë:
Me datë 22.07.2021, në bulevardin “Blu” mjeti me drejtues shtetasin R. M., rreth 25 vjeç, është përplasur me mjetin motorr me drejtues shtetasin F. H., rreth 30 vjeç. Si pasojë e aksidentit ka humbur jetën drejtuesi i motorrit shtetasi F. H.
Grupi hetimor vijon punën për sqarimin e rrethanave të aksidentit.
e.sh/Dita