Policia e Shtetit ka ndaluar dy drejtues automjetesh të cilët janë përfshirë në një aksident automobilistik që ka sjellë humbjen e jetës së pasagjerit.
Mësohet se kamioni u përplas me një veturë tip ‘Benz’ me targa AA 353 JM në Spitallë.
Për pasojë, ka mbetur i vdekur Silian Latifi që ishte duke udhëtuar si pasagjer në mjetin tip ‘Benz’.
Policia ndaloi drejtuesin e kamionit, Kastriot Bajrami dhe atë të veturës Ardjan Beri.
