60 kilogram kanabis sativa janë sekuestruar në një apartament në qytetin e Romës, në Itali.
Lënda narkotike ka qenë e fshehur në një apartament në zonën e Finocchios, dhe ka qenë e vendosur në disa çanta, raportojnë mediet italiane.
Sinjalizimet e banorëve për lëvizje të dyshimta të të rinjve në apartament kanë bërë që karabinierët të shkonin dhe të ushtronin kontrollin e tyre.
Përgjatë kontrollit, lënda narkotike është gjetur e fshehur në një prej dhomave të apartamentit, sëbashku me peshoren që përdorej për peshimin e lëndës narkotike.
Menjëherë kanë nisur hetimet për kapjen e poseduesit të lëndës narkotike, dhe sipas burimeve bëhet e ditur se njëri është identifikuar me inicialet G.R, 20 vjeç, nga qyteti i Vlorës.
Identifikimi ka ardhur si pasojë e gjetjes së dokumentit të këtij të riu brenda apartamentit.
Lënda narkotike dyshohet të ketë ardhur nga Shqipëria.
s.a/dita