Kandidati i ekstremit të djathtë për president të Francës, Eric Zemmour është gjobitur me 10,000 euro (8,350 £) nga një gjykatë në Paris, për nxitje të urrejtjes në lidhje me deklaratat e tij për refugjatët e mitur, shkruan The New York Times.
Çështja u hap pas një daljeje në TV, ku ai i përshkroi fëmijët emigrantë si “hajdutë”, “përdhunues” dhe “vrasës”.
Zemmour ka kundërshtuar vazhdimisht ligjet franceze që dënojnë shpifjen ose aktet që provokojnë urrejtje ose dhunë në bazë të racës, fesë dhe faktorëve të tjerë gjatë dekadës së fundit, dhe ai ende po përballet me disa gjyqe për akuza të ngjashme.
Duke reaguar ndaj vendimit në mediat sociale, Zemmour u ankua se liria e tij e fjalës po kufizohej dhe tha se kishte një “nevojë urgjente për të dëbuar ideologjinë nga gjykatat”.
Ai i bëri komentet që nxisnin gjuhën e urrejtjes në shtator 2020 në kanalin televiziv CNews, ku dikur punonte si ekspert.
Duke iu përgjigjur një pyetjeje në lidhje me një sulm të fundit me thikë nga një emigrant i ri i radikalizuar pakistanez, ai tha: “Ata nuk kanë çfarë të bëjnë këtu. Ata janë hajdutë, ata janë vrasës, ata janë përdhunues, vetëm kaq janë. Ata duhet të kthehen dhe ata as që duhet të vijë.”
Në gjyqin e tij në nëntor të vitit të kaluar, ku Zemmour nuk mori pjesë, prokurorët argumentuan se komentet e tij ishin “përçmuese” dhe “të egra” dhe se “kufijtë e lirisë së shprehjes ishin tejkaluar”.
Zemmour ka dy dënime të mëparshme për gjuhë të urrejtjes.
a.m/dita
Nga fytyra duket se edhe vetë ai është fëmijë emigranti. Përse vallë fëmijët e emigrantëve flasin me këtë gjuhë urrejtjeje për fëmijët e tjerë të emigrantëve?