Një tjetër sasi droge është sekuestruar nga policia në Portin e Durrësit.
Burime zyrtare bënë me dije se janë kapur 130 kg drogë e llojit kanabis sativa, e cila ishte e ndarë në 109 pako.
Policia ka arrestuar në flagrancë shtetasin Besnik Goxho, 49-vjeç, banues në Gjirokastër.
Droga ishte fshehur në mjetin e tij tip kamion. Lënda narkotike po trafikohej në drejtim të Italisë.
Ende nuk dihet nëse autori është i lidhur me ndonjë rrjet trafiku. Policia po heton më tej për rastin. /Dita/