Një sasi e madhe lënde narkotike është sekuestruar sot nga policia në aksin rrugor Gjirokastër-Tepelenë. 321 kg marijuanë janë kapur nga uniformat blu të komisariatit të Gjirokastrës në një mjet tip Range Rover, me targa TR 0962 I. Mjeti me lëndë narkotike i shoqëruar nga dy autovetura ka mundur të thyejë postbllokun e policisë në vendin e quajtur Uji i Ftohtë.
Pavarësisht ndjekjes nga policia, i riu nga Lazarati, i cili drejtonte automjetin ku u gjet lënda narkotike, ka arritur të arratiset, duke u hedhur me not në anën tjetër të lumit Vjosë.
Policia po punon për kapjen e tij.