Kontrollorët dhe doganierët grekë të Kapshticës, ndaluan dje hyrjen në vendin fqinj të operatorit të një televizioni lokal. Operatori ka kërkuar shkakun e kthimit dhe punonjësi grek nuk ka dhënë shpjegime, por i ka përsëritur kërkesën për largim. Por në rast kthimi, shtetasit pajisen me një dokument refuzimi, në rastin e operatorit nuk pati asnjë të tillë. Theksohet se operatori i Neës24 ka kapërcyer 2 herë të tjera kufirin grek para incidentit me kishën e Përmetit në Shqipëri.