Këtë të premte parashikohet që Këshilli i Emërimeve në Drejtësi të intervistojë pesë kandidatët e tjerë për anëtarë të Gjykatës Kushtetuese.
Një nga pretendentët për në Kushtetuese synon edhe postin për Inspektoriatin e Lartë të Drejtësisë, KED pritet të vendosë për këtë organ në mbledhjen e sotme.
Në bazë të kësaj do të vendoset edhe nëse KED do të vijojë intervistat me 4 anëtarët e përzgjedhur apo do të hapë garen për anëtarin e 5-të, ashtu siç e parashikon ligji.
Gjashtë kandidatë në total garojnë për katër vendet vakante në Gjykatën Kushtetuese.
Kujtojmë se i pari ndër to që kaloi u intervistua nga KED ishte Besnik Muçi, i cili mbaroi këtë proces të mërkurën.
Sot do të pyeten kandidatët:
-Arta Vorpsi,
-Elsa Toska,
-Fiona Papajorgji,
-Regleta Panajoti
-Marsida Xhaferllari.
Të pranishëm në seancën e intervistimit të kandidatëve për Gjykatën Kushtetuese janë edhe kryeprokuroja Arta Marku, Avokatja e Popullit Erinda Ballanca dhe këshilltari ligjor i Presidentit Bledar Dervishi.
e.ll./dita