Agim Ismaili, Drejtori i Përgjithshëm i Burgjeve në Shqipëri është kërcënuar me jetë.
Një mesazh ka mbërritur në telefonin e Ismailit: “…e ke tepruar shumë. Kudo që të jesh, ne sërisht do të vemë bombën. Mbaje mend këtë që po të themi…”.
Ky kërcënim është bërë pak ditë më parë dhe tashmë prokuroria e Tiranës dhe policia e Shtetit, kanë nisur veprimet hetimore.
Dyshimet e para janë se Agim Ismaili, mund të jetë kërcënuar nga anëtarë të një grupi kriminal që vepron në Tiranë dhe jo vetëm.
Këto dyshime vijnë për shkak se disa prej anëtarëve të këtij grupi kriminal ndodhen në burg dhe kohët e fundit janë futur në rregjimin e posaçëm të izolimit “41 Bis”.
Agim Ismaili, në cilësinë e Drejtorit të Përgjithshëm të Burgjeve është pjesë e komisionit të lartë që vendos marrjen e masave ekstreme për të dënuarit që thyejnë rregulloren.
Çështja po ndiqet me shumë interes nga një prokuror në Tiranë, ndërsa është bërë identifikimi i numrit të telefonit që i përket një personi të pa dyshuar deri në këto momente. Hetimi tashmë po përqëndrohet në lokalizimin e zonës nga është dërguar dhe sigurisht zbulimin e numrit të IMEIT të telefonit, që autori ka përdorur për kërcënimin e Agim Ismailit.
Ky kërcënim ka sjellë rritjen e masave të sigurisë për Drejtorin e Përgjithshëm të Burgjeve.
Ky është rasti i dytë që Ismaili kërcënohet me jetë gjatë ushtrimit të detyrës, pasi në 4 dhjetor 2019 prokuroria e Tiranës regjistroi një dosje penale për kanosje.
Prej dy vite Agim Ismaili ka vënë në zbatim në dy burgje 313 Tiranë dhe në Peqin, rregullat e izolimit që parashikon ligji “41 bis”, për personat që janë duke vuajtur dënimin në burg.
o.j/di
E para qe po te shohesh qe ne kete artikull nuk ka asnje koment e kupton qe shumica e komentuesve ( sepse jane shume pak por qe komentojne me emra te ndryshem ) jane te paguar nga partite dhe s’u behet vone per keto qe ndodhin jasht tyre. Se dyti, dhe ky, qe e kane kercenuar nuk besoj se eshte per shkak te detyres por te maskaralleqeve qe ka bere.