Shteti Islamik ka një objektiv të ri , djalin 11-vjeçar te Presidentit Trump, Barron, të paktën kështu raportojnë mediat e huaja.
Sipas “The Free Beacon”, grupi terrorist po shpërndan detaje personale për djalin e Trump në kanalet e mediave sociale, duke përfshirë adresën e shkollës së tij.
Instituti për Hulumtime të Medias në Lindjen e Mesme (MEMRI) përktheu thirrjet masive për vrasje në aplikacionin popullor “Telegram”.
“Duke përdorur hashtag “Mbajeni djalin e Amerikës” përdoruesi, i cili përdor emrin “Dak Al-Munafiqeen,” që në gjuhën arabe do të thotë “Godisni hipokritët”, shkroi : Barron Trump shkon në shkollë në Washington”, sipas MEMRI.
Me tej, postimi u shoqërua edhe me fotografi te Barron Trump.
Barron Trump nuk është shenjestra e vetme e kërcënimeve të pandërprera nga Shteti Islamik.
Grupi bëri thirrje për vrasjen e Papa Françeskut në aplikacionin Telegram javën e kaluar.
ISIS ka humbur vazhdimisht territorin në Lindjen e Mesme gjatë vitit të kaluar. Ekspertët thonë se grupi i drejtohet thirrjeve publike për terror, kur humbet fuqinë.