Një 59-vjeçar ka përfunduar në prangat e policisë, për shkak se ka kërcënuar kreun e Bashkisë së Korçës, Sotiraq Filo.
Sipas policisë, i arrestuari është Petrit Xhelollari.
Ai e ka kërcënuar kryebashiakun në zyrën e tij, për shkak se Bashkia ka vendosur që të prishë shtëpinë.
Mësohet se shtëpia e tij do të prishet për shkak të zgjerimit të bulevardit të Korçës.
Petrit Xhelollari është banues i lagjes 5 të qytetit të Korçës dhe ndërtesa që përfshin projekti për zgjatimin e bulevardit ndodhet në rrugën “Gjon Buzuku”.