Kërkesat e pesë aleatëve të PD-së për 61 bashkitë

Lulzim Basha ka zhvilluar disa bisedime informale me aleatët e saj si Partinë Republikane e Fatmir Mediut, demokristianët e Nard Ndokës, LZHK-në e Dashamir Shehit apo edhe me përfaqësues të PDIU-së.

Mësohet se PDK-ja dhe PDIU-ja do të kërkojnë përfaqësimin e opozitës në disa prej bashkive të reja me kandidatët e tyre, ndërsa republikanët po hartojnë një listë me 61 kandidatët e saj në këto zgjedhje, një listë kjo që do të shterojë gjatë diskutimeve që do të zhvillohen me kreun e PD-së.

Republikanët do paraqesin në tryezën e PD listë me 61 emra për bashkinë. Durrësi dhe Shijaku janë bashkitë më pranë tyre

PDK-ja kërkon zona të lira për gjashtë bashki: atë të Fushë-Arësit, Lezhës, Rrëshenit, Kurbinit, Ballshit dhe Sarandës

LZHK-ja kërkon përfaqësimin e saj vetëm me kandidatët për anëtarë në këshillat bashkiakë, dhe nuk ka synime për kryetarë bashkish

Nga ana e saj, PDIU nëpërmjet deputetit Tahiri Muhedini ka bërë të ditur se në këtë tryezë do të kërkojë drejtimin e të paktën 5 njësive, në zona të cilat konsiderohen si bastione të kësaj force politike.

Konkretisht, PDIU-ja do të kërkojë Bashkinë e Konispolit, Bashkinë e Rrogozhinës, Bashkinë e Peqinit, Sukthit dhe Patosit, meqë në këto bashki ka dhe një numër të konsiderushëm të komunitetit çam, raporton “Shqip”.