Qeveria spanjolle ka vendosur rregulla të ashpra izolimi kundër koronavirusit. Janë bërë dhe lëshime megjithatë, përfshirë nevojën për të nxjerrë për shëtitje kafshët shtëpiake.
Por duke qenë se përkufizimi nuk e sqaron më shumë se kaq se për cilat kafshë flitet saktesisht, spanjollët janë bërë mjaft krijues.
Të premten, policia vendase postoi foto të një burri të gjobitur se kishte nxjerrë gjoja për shëtitje peshkun me gjithë akuarium.
Ngjarja ndodhi në Logrono, por nuk është e vetmja e këtij lloji. Pamje të tjera tregojnë njerëz të shëtisin me një rrip në qafë pula e madje njëri kishte me një qenush prej pellushi. Një tjeter ishte veshur dhe vetë si dinosaur.
Në fillim të kësaj jave, parlamenti spanjoll e zgjati deri në 9 maj gjendjen e emergjencës, duke e cuar në tetë javë urdhrin e izolimit. Spanja ka shënuar më shumë se 20.000 vdekje për shkak të koronavirusit.
o.j/dita