Këshilli i Integrimit, Bregu: Zgjidhni standard e model evropian

Kryetarja e Komisionit të Integrimit, Majlinda Bregu i ka kthyer përgjigje ftesës që kolegu i tij socialist Taulant Balla i bëri opozitës për t’u bërë pjesë e komisioneve parlamentare dhe përkatësisht atij të Integrimit, me qëllim votimin e Këshillit Kombëtar të Integrimit Europian.

Nëpërmjet një postimi në rrjetin social Facebook, Bregu thekson se qëndrimi i demokratëve është i qartë në letrën që ajo i ka dërguar ministres Gjosha.

“Zgjidhni një standard e model evropian për funksionimin e këtij Këshilli. Meqënëse strukturat tona në procesin e integrimit janë ngritur sipas modelit kroat, edhe Këshilli Kombëtar le të jetë sipas atij modeli. Të drejtohet nga opozita, me nënkryetar nga shumica e të jetë strukturë tërësisht parlamentare për të siguruar kontrollin parlamentar ndaj qeverisë në këtë proces, por edhe sepse është dëshmi e gjithëpërfshirës aq të domosdoshme në favor të integrimit evropian si axhendë kombëtare,” thekson në postimin e saj zonja Bregu, duke shtuar se pret përgjigje të letrës që i ka dërguar ministres së Integrimit, para 20 shtatorit, datë ku shumica pritet të votojë ngritjen e Këshillit Kombëtar të Integrimit.