Gjeografi, turizëm dhe.. pak sfond seksual.
Autoritetet e turizmit të Vilnius po studiojnë mundësinë e përdorimit si imazh zyrtar të një krijimi të Jurgis Ramanauskas, 25 vjeç, dhe Skaiste Kaurynaite, 27 vjeç, në kuadër të një konkursi për reklamimin e kryeqytetit lituanez, raporton Euronews, shkruan Dita.
Në foto shihet se si dora e një gruaje të shtrirë mbi hartën e Evropës shtrëngon çarçafin në pikën ku ndodhet kryeqyteti i Lituanisë.
“Vilnius, pika G e Evropës”, shkruhet mbi foto.
“Askush nuk e di ku ndodhet, por kur ta gjeni, do të jetë e mrekullueshme”, vijon më tej.
Sipas Institutit Kombëtar Gjeografik të Francës, qendra gjeografike e Evropës është e vendosur 26 kilometra në veri të Vilnius, në një pikë të shënuar që nga viti 2004 me një kolonë graniti të bardhë.
Shkolla që organizoi konkursin shprehet se zakonisht nuk i shesin veprat e studentëve të tyre.
Por Go Vilnius, agjencia zyrtare e zhvillimin të Vilniusit “planifikon ta përdorë imazhin e Ramanauskas dhe Kaurynaite edhe jashtë vendit për tërheqjen e turistëve”. o.j/Dita
