Balerina shqiptare, Klaudia Pepa, ka kaluar në finalen e madhe të spektaklit italian “Amici”.
E angazhuar prej muaj në këtë spektakël, Pepa ka arritur që falë punës dhe vullnetit të saj të shkojë në finalen e të shtunës së ardhshme.
Mbrëmja e djeshme ka qenë ogur i mirë për Klaudian, pasi ajo ka dhënë më të mirën nga vetja e saj, madje pak para spektaklit ajo ka falënderuar të gjithë mbështetësit në llogarinë e saj në “Instagram.
Ajo shkruan se është e gatshme të thyejë çdo pengesë, për të nderuar veten e saj dhe të gjithë ndjekësit.
Mbështetje të madhe për Pepën kanë dhënë dhe personazhe të njohur publik, të cilët i urojnë fitore.