Mimi Kodheli ka mbyllur sot detyrën e saj si Ministre e Mbrojtjes. Daljen e saj të fundit në këtë detyrë ajo e pati me disa rekrutë të rinj të FA, të cilët nisën shkollën e Trupës në Bunavi.
“E lumtur që daljen e fundit publike si ministre e Mbrojtjes e pata me rekrutët e rinj që sot përcollëm në Shkollën e Trupës në Bunavi.
E lumtur dhe krenare sepse rekrutët atje do të gjejnë kushte absolutisht më të mira se 4 vite më parë dhe do të bëjnë karrierë në një strukturë shumë herë më të mirë se 4 vjet më parë.
Krenare për FA”, shkruan në Facebook, ish-ministrja Mimi Kodheli.
