Koka: Duka e të tjerë do rikthehen tek ekipi që do qeverisë për 16 vitet e ardhshëm

Do ketë një përmbysje spektakolare në qytetin e Durrësit – thote Lefter Koka i LSI ne nje interviste ne emisionin ZIP ne Vizion Plus. Pyetjes: “Si e keni parë veten në këtë koalicion, duke pasur parasysh që tashmë përballë do të keni dhe Agron Dukën, i cili duket se do ju dëmtoj?” – ai i pergjigjet:

Zoti Duka kandidon me Partinë Republikane. Është një sprovë shumë e vështirë e tij. Besoj që do të jetë edhe një rëndesë e kësaj qeverisjeje por edhe Partisë Republikane, të cilën përfaqëson zoti Duka. Nuk besoj që dëmet koalicionit të majtë do të vijnë nga individë të veçantë jo vetëm në Durrës, por në të gjithë qarkun. Dhe shumë personazhe të tjetër që nuk janë më pjesë e këtij ekipi, unë do të thoja që ata shumë shpejtë do bëhen objektiv dhe do të largohen nga emocionet emotive të fjalës. Mendojnë që janë gjendur të tradhtuar, por unë besoj që ata shumë shpejt do të bëhen pjesë e këtij ekipi të madh për të drejtuar vendin në 16 vitet e ardhshme. Unë besoj 23 qershori nuk është zgjedhje vetëm për 4 vjet.

Duke folur per programet PS-PD, Koka thote:

Të kesh si slogan mirëqenien dhe punësimin nga Partia Demokratike, do të thotë të tallesh me qytetarët shqiptarë. Ai që gjeneron punësim është pikërisht biznesi privat. Unë ju garantoj që ka të paktën 200 mijë njerëz më pak, që janë larguar nga aktivitete të ndryshme private. I vetmi punësim që ka arritur të bëj kryeministri Berisha është vetëm 92 mijë të punësuar në administratën publike, ku ka kërkuar që një pjese që nuk janë simpatizantë të kësaj force politike, ti imponojë këtë filozofi të saj. Ne gjendemi si koalicion i majtë me Partinë Socialiste, jemi shume konkret. Gjithsesi formula na mundëson që vota të majta të koalicionit të mos numërohen dhe të mos i jenë numëruar koalicionit të djathtë dhe besoj që shifrat do të jenë të ndryshme dhe besoj që do të jetë me të vërtetë një përmbysje spektakolare në qytetin e Durrësit.