Kokaina e Maminasit, vjedhja e Prokurorisë dhe nguti i Berishajve

Ngjarja e vjedhjes së prokurorisë së Durrësit, është një nga ato raste që jo vetëm tregon dobësinë e shtetit, por rrit shumë teoritë konspirative në ambientin mediatik dhe politik.

Marrja e dosjeve në zyrën e prokurorit Afrim Shehu hodhi aludime se mund të jenë marrë dosje tejet të rëndësishme, edhe pse në fakt ai po heton vetëm korrupsion dhe abuzim me detyrën.

Siç bëhet me dije me burime nga Prokuroria janë vjedhur materialet hetimore për tjetërsimin e pronës në Ishëm, ku janë të përfshirë disa ish-zyrtarë lokalë.

Por mediat pranë opozitës, që financohen nga familja Berisha hodhën idenë se është vjedhur dosja e 613 kg kokainë të Maminasit.

Menjëherë pas këtij lajmi Shkëlzen Berisha, reagoi si rrallëherë duke kërkuar një “palë brekë” duke ironizuar batutën e Dritan Hilës se botuar në Dita se “Xhafaj pasi dorëzoi të vëllain, nuk do të tolerojë askënd”.

Ditën e sotme edhe Sali Berisha me qytetarin dixhital të tij, njoftoi se në Durrës është vjedhur dosja e kokainës dhe përgjimet ndaj Vangjush Dakos.

Në fakt dosja  e kokainës së Maminasit, ndodhet te Krimet e Rënda dhe sipas mazhorancës janë të përfshirë njerëz në kupolën drejtuese të PD duke nënkuptuar se mund të lidhet drejtpërdrejtë me djalin e Sali Berishës.

Mos është ky informacion, arsyeja e ngutit të familjes Berisha që atë dosje ta shpallin të zhdukur?

e.h/dita