Vazhdojnë me intensitet të lartë përgatitjet e skuadrës kombëtare në Bad Wasterterdorf. Në orën 17.30 nisi seanca e dytë stërvitore. Të pranishëm në dispozicion të trajnerit De Biasi ishin të gjithë futbollistët dhe stafi.
Seanca zgjati për rreth 100 minuta. Në pjesën e parë të saj nën drejtimin e përgatitësit atletik u aplikuan ushtrime fizike, sprinte. Më pas skuadra qendroi në tendën e pajisur me pajisje të ndryshme finesi, për të kryer një tjetër seri ushtrimesh. Pjesa e fundit e stërvitjes i takonte taktikës, ku u aplikuan harkime në zonë dhe skema të tjera taktike. Nesër përseri do të vazhdojë regjimi me dy stërvitje në ditë.