Një njoftim në Facebook për një tubim të “Agimit të Artë” është bërë shkak për një përleshje mes një grupi nxënësish shqiptarë dhe grekë në një shkollë të mesme në Kretë.
Sipas gazetës “Patris”, sherrit të nisur mes dy nxënësve iu bashkuan edhe disa të tjerë të të dy kombësive, duke shkaktuar edhe lëndime te disa prej tyre.
Konflikti ka ardhur për shkak të komenteve që kanë pasuar njoftimin. Ky nuk është incidenti i parë i kësaj natyre në shkollën e mesme të Kretës. Disa ditë më parë, një nxënës shqiptar dhe një grek u përleshën me njëri-tjetrin për të njëjtën arsye.