Ndërsa qeveria e re po bëhet gati të marrë drejtimin e vendit, biznesi shqiptar kërkon të dijë se cilat do të jenë masat që do të merren për përmirësimin e klimës për të bërë biznes. Në një deklaratë për mediat, Konfindustria i kërkon qeverisë së re të Edi Ramës strategjitë themelore ekonomike dhe fiskale, që do të zbatohen. Kjo masë sipas Konfindustrisë vjen pasi është në rritje numri i bizneseve të huaja që janë të interesuara të investojnë në Shqipëri.
Konfindustria i kërkon qeverisë së re garanci për vazhdimësinë e politikës fiskale të taksave të ulta sikunder zbatohet edhe në vendet e tjera të rajonit, ndërsa kërkon të njihen me sektorët ekonomike që do të jenë parësore në programin e qeverisë së re shoqëruar me mënyrat e tërheqjes së kapitalit.
Gjithashtu investitorët e huaj sipas Konfindustrisë shprehin interes në rritje për politikat e zmadhimit të tregut të Shqipërisë me Kosovën, vendet e CEFTA dhe BE.
Gjatë gjysmës së parë të 2013 sipas të dhënave të Konfindustrisë ka pasur një një rritje të ndjeshme 2-3 herë të interesit të investitorëve të huaj për Shqipërinë, krahasuar me të njëjtën periudhë të 2012.
Shkak i rritjes së interesit sipas ekspertëve, janë pasojat e krizës globale që kanë prekur ndjeshëm ekonomitë e vendeve të zhvilluara të BE por edhe projektet e mëdha infrastrukturore në të cilën Shqipëria do të përfshihet si TAP, sektori energjisë.
Shumë institucione financiare ndërkombëtare kanë vlerësuar se rritja ekonomike për Shqipërinë për vitin 2013 do të jetë e vogël, kjo e lidhur nga kriza ne Eurozonë, klima jo e mirë e të bërit biznes si dhe të ardhurat e pakta që vijnë nga emigrantët.
Qeveria do ishte mire te hetonte veprimtarine eGjergjit sesa ka vjedhur nepermjet kofinindustrise ne projektet me institucionet shtetrore si dhe me manipulimet qe ka bere duke kurruoptuar yzrtare p[er perfitime te antareve te kofinindustrise sidomos fasoneve italiane