Konflikti për Mesdheun, Greqia i kërkon BE-së të vendosë sanksione ndaj Turqisë

Ministri i Jashtëm grek Nikos Dendias bëri të hënën thirrje për sanksione kundër Turqisë, duke thënë se shteti turk nuk kishte arritur të merrte parasysh paralajmërimet mbi veprimet e tij në Mesdheun Lindor të lëshuara nga Këshilli Evropian në Tetor.

“Qëndrimi i Turqisë përbën një provokim kundër BE si një e tërë”, tha Dendias në një takim të ministrave të jashtëm të BE.

Në takimin e ministrave të Jashtëm mësohet se nuk do të ketë vendime kundër Turqisë. Vendimi për sanksione ose jo ndaj Turqisë do të merret në samitin e së enjtes të liderëve të BE-së.

Presidenti i Turqisë, Rexhep Tajip Erdogan është shprehur i gatshëm të negociojë në lidhje me konfliktin me Greqinë, por në të njëjtën kohë ka shtuar se nuk i trembet kërcënimeve, duke nënkuptuar sanksioneve.

Nga ana tjetër, Europa nuk duket për momentin të jetë unike në këtë çështje dhe se pesha kryesore i bie Gjermanisë të zgjidhë këtë konflikt, pasi kryeson presidencën e radhës së BE-së.

Konflikti mes dy shteteve ka nisur pasi Turqi ndërmori kërkimet në Mesdhe, si kundërpërgjigje ndaj paktit mes Greqisë dhe Egjipitit për ndarjen e kufirit detare.

Prej mëse tre muajsh marrëdhëniet mes dy shteteve kanë qenë tepër të tensionuara dhe Athina po mbështet fuqimisht nga Franca.

j.l./ dita